| 琴日去迪士尼玩, 好開心呀, 好好(x 100陪) 玩呀~ 首先, 先多謝某某帶我入去迪士尼, 如果唔係, 可能我都唔會去迪士尼。 另外, 我都好開心可以同d朋友係迪士尼玩得咁開心呀!!! 我本身去迪士尼都無咩期望, 因為好多人都話迪士尼好細, 無咩特別, 仲話香港比其他國家的都無咁好玩, 去一陣就去完, 但係唔知係咪我哋遲入場 (我一點先入) 呢, 我覺得d時間都幾緊迫, 唔係咁夠時間玩, 我仲覺得開心好玩過海洋公園tim, 唔知係咪無咁辛苦呢……. 嘩, 迪士尼線的車箱,藍白系列, 個窗同扶手都係Mickey個頭黎ga, 好靚ga……… 係迪士尼裡面, 我至鐘意Mickey 幻想曲, 因為個game好新鮮, 可能有d人覺得係一d普通的3D動畫, 但係佢唔單止係3D咁簡單, 仲有時會有d水好似雨咁滴落黎, 又有d風好似龍捲風咁吹過黎, 都幾過引, 不過差少少的就係d坐位, 如果可以好似海洋公園咁, 連d坐位都可以郁動的都幾好~ 之後, 又同朋友周圍同Stitch 影相, 我本身對Stitch無咩特別感覺, 但係由7-Eleven 開始換餵食Stitch, 我就自始對佢情有所鍾, 見到佢我都會好開心, 另外, 我諗好多人都有玩巴斯光年, 我都玩咗2次, 第一次有219,600分, 第二次有413,000分, 唔知其他人有幾多分呢, 我lee d發雞盲都有咁既分數,都幾開心, 不過呢…..我都係無我朋友咁高分, 佢竟然成6xx,000分, 唔開心……… 到最後, 就當然唔少得我不嬲都好鍾意睇的煙花啦, 第一次望住不同顏色, 不同款式的煙花係城堡上空燃放 …….. 好靚呀!!!! |
